ក្លិបមួយចង់យក Jose Mourinho មកដឹកនាំ តែត្រូវលោកបដិសេដថារកក្លិបថ្មីបានហើយ

265

​ក្លិប​បាល់ទាត់​បារាំង Olympique Lyon បាន​បញ្ជាក់​ថា ក្លិប​បាន​ធ្វើ​ទំនាក់​ទំនង មាន​ទាំង​សំណើ​ទៅ​កាន់​លោក Jose Mourinho​ តែ​ត្រូវ​បាន​គ្រូ​បង្វឹក​សញ្ជាតិ​ព័រទុយហ្កាល់​រូប​នេះ​បដិសេធ​។

​ក្លិប​បារាំង​មួយ​នេះ​បាន​​បញ្ជាក់​ថា ​ទៀត​ក្រៅពី​បដិសេធ​សំណើ​ដឹកនាំ​លោក Jose Mourinho​ បាន​អោយ​ដឹង​ថា លោក​រក​បាន​ក្លិប​ថ្មី​ដឹកនាំ​ហើយ​។បុរស​សញ្ជាតិ​ព័រទុយហ្កាល់ដែល​ចែក​ផ្លូវ​គ្នា ​ជាមួយ​បិសាច​ក្រហម Manchester United ជិត​មួយ​ឆ្នាំ​ហើយ​នោះ មិនទាន់​វិល​មកកាន់​អាជីព​ដឹកនាំ​នៅឡើយ​។

​តែ​ពេលទំនេរ​ពី​អាជីព​នេះ Jose Mourinho​ បាន​ធ្វើ​ការ​ជា​អ្នក​វិភាគ​បាល់ទាត់​តាម​ស្ថានីយ​ទូរទស្សន៍​។ ​ដោយឡែក​សំរាប់​ក្លិប​បារាំង Olympique Lyon កំពុង​ស្វែងរក​គ្រូ​បង្វឹក​ថ្មី​នៅឡើយ បន្ទាប់ពី​ទើបតែ​បញ្ចប់​តំណែងគ្រូ​បង្វឹក​សញ្ជាតិ​ប្រេ​ស៊ី​ល Sylvinho​ កាលពី​ថ្ងៃ​ចន្ទ ​ក្រោយ​ដឹកនាំ​ក្រុម​ឈ្នះ​ ១​ប្រកួត​ក្នុងចំណោម ៩​ប្រកួត​ចុងក្រោយ​៕