ទំនេរបាន ១ ឆ្នាំអតីតខ្សែការពារ Real, Fabio Coentrao ត្រឡប់មកលេងវិញ

488

ខ្សែការពារ Fabio Coentrao  នឹងចូលលេងម្តងទៀតបន្ទាប់ពីអវត្តមានមួយឆ្នាំ។

កីឡាករសញ្ជាតិព័រទុយហ្កាល់រូបនេះបានចាកចេញពីក្លឹប Rio Ave ក្នុងឆ្នាំ ២០១៩ ហើយចាប់តាំងពីពេលនោះមកគាត់មិនបានលេងទៀតទេ រហូតត្រូវបានគេចាត់ទុកថាចូលនិវត្តន៍ ។

ដើម្បីបំបាត់ការអស់ចម្ងល់ អតីតកីឡាករ Real Madrid បានត្រឡប់មកចូលរួមជាមួយក្រុម Rio Ave ម្តងទៀត ដែលជាការវិលត្រលប់មកក្លឹបដដែលនេះជាលើកទី ៤។

Coentrao ធ្លាប់ចេញចូលក្លឹបនេះបាន ៣ លើករួចទៅហើយគឺនៅឆ្នាំ ២០០៥, ២០០៩ និង ២០១៨ ។

យោងតាមប្រភពព័ត៌មានរបស់ព័រទុយហ្គាល់បានឱ្យដឹងថាកីឡាករវ័យ ៣២ ឆ្នាំរូបនេះ កំពុងធ្វើតេស្តលើសុខភាពនិងត្រៀមប្រកាសជាផ្លូវការឆាប់ៗ ។