ផ្លូវការ​៖ Real Madrid ទិញបាន Reinier Jesus ហើយ

385

Real Madrid បានបញ្ចប់ការចុះហត្ថលេខាលើខ្សែបម្រើសញ្ជាតិប្រេស៊ីល Reinier Jesus វ័យ ១៨ ឆ្នាំក្នុងតម្លៃ ២៦ លានផោន ជាមួយកុងត្រារយៈពេល ៦ ឆ្នាំ។​

Reinier ដែលបង្ហាញខ្លួនជាមួយក្រុមឈុតធំ Flamengo កាលពីថ្ងៃទី ៣១ ខែកក្កដា ឆ្នាំ ២០១៩ និងជាផ្នែកមួយជួយក្រុមឈ្នះជើងឯកលីគកំពូលប្រេស៊ីល និង Copa Libertadores កាលពីរដូវកាលមុន។

យុវជន​រូបនេះក៏ជាអ្នករកគ្រាប់បាល់បានច្រើនជាងគេក្នុងព្រឹត្តិការណ៍ប្រកួតបាល់ទាត់ពិភពលោក FIFA World Cup អាយុក្រោម ១៦ ឆ្នាំនៅទីក្រុ​ងឌូបៃផងដែរកាលឆ្នាំ ២០១៨។​

នៅក្នុងសេចក្តីថ្លែងការណ៍មួយរបស់ក្លឹប Flamengo បាននិយាយថា“ យើងសូមជូនពរឲ្យ Reinier Jesus ទទួលបានជោគជ័យយ៉ាងខ្លាំងនៅក្នុងដំណើរអាជីពថ្មីរបស់គេ”។​