មានឆ្ងល់ទេ!​ ក្លឹប​ធំៗ សម្លៀកបំពាក់​កីឡាករ គេបោកប្រើឡើងវិញឫទេ?​

14867

ដូច​ដែល​ធ្លាប់បានដឹងរួចមកហើយ សម្លៀក​បំពាក់កីឡាករ​មាន​តម្លៃថ្លៃ ហេតុ​នេះ​ ការ​បោះបង់​សម្លៀក​បំពាក់ទាំងនោះ​ចោល​ក្រោយ​ចប់ការ​ប្រកួត​ ជាការខាតបង់​មួយ​យ៉ាងធំ​សម្រាប់ក្លឹប។

ដូច្នេះ ក្លឹប​នីមួយៗ​សុទ្ធ​តែបោក​គក់​សម្លៀក​បំពាក់​ទាំងនោះ​ប្រើឡើង​វិញ​ទាំងអស់។ ក្នុង​មួយ​ប្រកួត​ កីឡាករ​ម្នាក់ៗ​​ត្រូវការ​យ៉ាង​ហោច​ណាស់​សម្លៀក​បំពាក់ ១កំប្លេរ និង​ស្បែកជើង ២គូ។ យោងតាមរយៈសារព័ត៌មាន Fox Sport បាន​យក​ក្លឹប​ Barcelona មកធ្វើជាឧទាហរណ៍​ដោយ​ផ្អែក​លើ​វីដេអូឯកសារ​មួយ​ដែល​មាន​ឈ្មោះ​ថា៖ “Pros behind the pros” ដែល​លើក​យក​ចំណុ​ចនេះ​មក​​បរិយាយ។

កីឡាករម្នាក់ៗ​ត្រូវការ​សម្លៀក​បំពាក់​កីឡា ៣កំប្លេរ​សម្រាប់ថ្ងៃប្រកួត​នីមួយៗ។ វីដេអូឯកសារ “Pros behind the pros” បាន​លើក​ឡើងថា៖​ “​យើង​ប្រមូល​សម្លៀក​បំពាក់ទាំងនោះ​ទុក​មួយ​កន្លែង បន្ទាប់​មក​ក្រុមការងារ​បោក​គក់​នឹង​មក​ប្រមូល​សម្លៀក​បំពាក់ទាំងនោះទៅបោក​សម្អាត សម្ងួត​រួច​យក​មក​ឱ្យ​ពួក​យើង​វិញ”។

“ក្នុងការ​ធ្វើដំណើរ​ប្រកួត​ដែលមាន ២-៣ប្រកួត​នៅ​ក្រៅ​ប្រទេសអេស្ប៉ាញ​ យើង​ត្រូវ​យក​តាម​ខ្លួន​សម្លៀក​បំពាក់​ ៤កំប្លេរ​សម្រាប់ប្រកួត និង​ ៤កំប្លេរ​ទៀត​សម្រាប់ហ្វឹកហាត់”។