មើល​​ជើង​​​ជំនួប​ធំ​ប្រចាំ​សប្ដាហ៍​ បឹងកេត ​ប៉ះ ​ភ្នំពេញក្រោន ?

393

ក្រុម​ជើង​ឯក​លីគ​កំពូល ៣ ​សម័យ​ បឹងកេត​ ​​ទទួល​ភ្ញៀវ​​​​ស្ដេច​ត្រាញ់​ជើង​ឯក​លីគ​កំពូល​៦​សម័យ​ ​ភ្នំពេញក្រោន​​​​​នា​ទឹក​ដី​របស់​ខ្លួន​លើក​ដំបូង​នៅ​ថ្ងៃ​អាទិត្យ​​ ២៦​ ​កក្កដា​ ​ខាន​ស្អែក​​នេះ​ចាប់​ពី​វេលា​ម៉ោង​ ៣:៣០ ​រសៀល​តទៅ​នៅ​កីឡដ្ឋាន​ Cambodia Airway។ បឹងកេត ​ស្ថិត​នៅ​លេខ ២ ខណៈ ភ្នំពេញក្រោ ​នៅ​ចំណាត់​ថ្នាក់​លេខ​៣​ក្នុង​តារាង។ ​ថា​តើ​ក្រុម​​ណា​មាន​ប្រៀប​ជាង?​

កីឡាករ​សំខាន់​៖

Timothy Okereke ជា​ខ្សែ​ប្រយុទ្ធ​មិន​អាច​ខ្វះ​បាន​សម្រាប់​ភ្នំពេញ​ក្រោន​រដូវ​កាល​​​២០២០​ នេះ​ដោយ​​សារ​រូប​គេ​រក​​បាន​១១ ​គ្រាប់​ក្នុង​ការ​បង្ហាញ​ខ្លួន​​៨​លើក​កន្លង​មក​ក្នុង​នោះ​​ស៊ុត​ហែទ្រីក​បាន​ ២​​ ដង​ពេល​ជួប​ ​យុវជន​បាទី​ និង​ ប៉ូលិស។ ​ខ្សែ​ប្រយុទ្ធ​សញ្ជាតិ​នីហ្សេរីយ៉ា​រូប​នេះ​​​​​ស្ថិត​​នៅ​កំពូល​តារាង​ដែល​រក​បាន ​១១ គ្រាប់​ស្មើ​ ​​ខ្សែ​ប្រយុទ្ធ​ Pedro Augusto​ ​​របស់​ព្រះខ័នរាជ​ស្វាយរៀង​ដែរ។​ ​ថ្មីៗ​នេះ​ ​Okereke ជាប់​កំណត់​ត្រា​ថ្មី​​​ដែល​ស៊ុត​ចូល​បាន​លឿន​ជាង​គេ​បង្អស់​​បន្ទាប់​ពី​​កែ​បាល់​ពេល​ក្រុម​​ស្មើ ​​ណាហ្គាវើលដ៍​ ​១-១​ ​កាល​សប្ដាហ៍​ទី៧។

សៀង ចន្ធា​ បង្ហាញ​ខ្លួន​រដូវ​កាល​ដំបូង​គួរ​ឲ្យ​កត់​សម្គាល់​បំផុត​​ក្នុង​វ័យ​​ត្រឹម​ ១៨ ឆ្នាំ ​ពោល​គេ​រក​បាន​ ៤​ ​​គ្រាប់​គិត​​ត្រឹម​សប្ដាហ៍​ទី៨​ ខណៈ​​ បឹងកេត ​លេង​បាន​ត្រឹម ៧ ​ប្រកួត​​។​ ​គេ​ជា​កីឡាករ​ខ្សែ​ប្រយុទ្ធ​ខ្មែរ​ដែល​រក​បាន​គ្រាប់​បាល់​ច្រើន​ម្នាក់​នៅ​លីគ​កំពូល។​ ​ខ្សែ​ប្រយុទ្ធ​វ័យ​ក្មេង​រូប​​​នេះ​​​​អាច​លេង​ទៅ​តាម​តម្រូវ​ការ​​របស់​គ្រូ​បង្វឹក​បណ្ដោះ​អាសន្ន​​លោក​ គឹម​ ភក្ដី ​​ដែល​​អាច​លេង​បម្រើ​​ស្លាប​, បម្រើ​កណ្ដាល ​និង ​​ប្រយុទ្ធ​ជា​ដើម។

ជម្រើស​១១​នាក់​ដែល​​គ្រូ​បង្វឹក​ចូល​ចិត្ត​ប្រើ​៖

អំឡុង​ពេល​ Paulo Victor ​ជាប់​បម្រាម​​​​ខ្សែ​បម្រើ​ ជួន ​ចាន់ចាវ ​បាន​ចូល​លេង​ជំនួស​​តំណែង​​​​​​នេះ​ពេល​​ឈ្នះ ប៉ូលិស​ ៤-០។​ ​ដូច្នេះ​រូប​គេ​អាច​បន្ត​តំណែង​នេះ​ទៀត។
ខ្សែ​បម្រើ Kenta ​រង​របួស​ពេល​​និង​ប្ដូរ​ចេញ​​ពេល​​​ក្រុម​ឈ្នះ​ ​​កងយោធពល​ខេមរភូមិន្ត​ ៦-១។ ​គេ​​មិន​ទាន់​ដឹង​​ថា​​អាច​លេង​បាន​​ ឬ​យ៉ាង​ណា​ទេ។ ​ប៉ុន្តែ​ ​​​ លី មីហ្សាន ​អាច​ជំនួស​តំណែង​បម្រើ​សម្រាប់​បឹងកេត​​បាន។ ​

បឹងកេត
គ្រូ​បង្វឹក​បណ្ដោះ​អាសន្ន ​គឹម ភក្ដី ​ចូល​ចិត្ត​ប្រើ​៖​អ្នក​ចាំ​ទី​ ​ហ៊ុល គឺមហ៊ុយ, ខ្សែ​ការពារ​​ ៤ ​: ស្លេះ សេន, ​សេត រ៉ស៊ីប, ទេស សម្បតិ្ត, ហុង ផេង, ខ្សែ​បម្រើ​​​ ៣ : ​ លី មីហ្សាន, Mizuno , Gopane, ​ប្រយុទ្ធ​ ៣ : សៀង ​ចន្ធា, ​ម៉ាត់ ណូរុន, ​ឱ ភារុណ

ភ្នំពេញក្រោន ៖
លោក​ ស៊ុំ​ វណ្ណា​ ​​​ចូល​ចិត្ត​ប្រើ​កីឡាករ​​ក្នុង​ជំនួប​ធំៗ​: ​អ្នក​ចាំ​ទី អ៊ំ វិចិត្រ​ , ខ្សែ​ការពារ​​​​ ៣ : ​ ​យ៉ើ សាហ្វី, កុក បូរីស, ​សឿត បារាំង, ​បម្រើ​​ប្រាំ​ :​ Masaki, ​ជួន ​ចាន់ចាវ, Omogba, យ៉ើ​ មូស្លីម, ប្រាក់ ធីវ៉ា, ​ប្រយុទ្ធ​​២​​ : Timothy ​និង​ ​Nieto Rondon

 ជំនួប​៤​លើក​​ក្នុង​​​២​​រដូវ​​កាល​​ចុង​ក្រោយ៖

បឹងកេត​ ​៤-៤​ ភ្នំពេញក្រោន​ ៧​ ​កក្កដា​ ​២០១៩ ​(​លីគ​កំពូល)​

ភ្នំពេញក្រោន ២-៣ ​បឹងកេត ១៦ មីនា​​ ​២០១៩​ (លីគ​កំពូល)

បឹងកេត ១-២ ភ្នំពេញក្រោន ​៣០ ​​កញ្ញា ​២០១៨ (លីគ​កំពូល)

ភ្នំពេញក្រោន ​២-៣​ បឹងកេត ​០៩​ ​មិថុនា​ ​២០១៨ (​លីគ​កំពូល)

​​លទ្ធផល​៣​លើក​ចុង​ក្រោយ​របស់​ក្រុម​ទាំង​ពីរ​​ពេល​​លីគ​ដំណើរ​ការ​ជា​ថ្មី៖
បឹងកេត

បឹងកេត ៣-០ សូលទីឡូ
គីរីវង់សុខសែនជ័យ ១- ៤ ​បឹងកេត
បឹងកេត​ ៦-១​ ​កងយោធពលខេមរភូមិន្ទ

ភ្នំពេញក្រោន

ណាហ្គាវើលដ៍ ១-១ ​ភ្នំពេញក្រោន
ភ្នំពេញក្រោន ២-២ វិសាខា
ភ្នំពេញក្រោន ​៤-០ ប៉ូលិស

តើ​​​​បង​ប្អូន​​អាច​ទាយ​បាន​ទេ​ថា​ក្រុម​ណា​​ឈ្នះ​ក្នុង​ជំនួប​ដ៏​ធំ​នេះ? ​

 អត្ថបទ៖ CNCC