លទ្ធផល​ចាប់ឆ្នោត​បែងចែក​ពូ​ល AFC Champions League ២០២០

467

​ក្រុម​ការពារ​តំណែង​ជើងឯក Al Hilal SFC ស្ថិត​ក្នុង​ពូ​ល B នៃ​ការប្រកួត​ក្រប​ខណ្ឌ​ក្លិប​កំពូល​អាស៊ី​AFC Champions League ឆ្នាំ២០២០ បន្ទាប់ពី​បញ្ចប់​ការ​ចាប់​ឆ្នោត​នៅ AFC House ក្នុង​ទីក្រុង​កូឡាឡាំពួរ​ប្រទេស​ម៉ាឡេស៊ី​នៅ​ថ្ងៃ​អង្គារ​ម្សិលមិញ​។​

​​Al Hilal​ របស់​អារ៉ាប់​ប៊ី​សា​អូឌីត​ដែល​បាន​ផ្តួល Urawa Red Diamonds របស់​ជប៉ុន​ដើម្បី​លើក​ពាន​រង្វាន់​ឆ្នាំ​២០១៩ នេះ​ស្ថិត​ក្នុង​ពូ​ល​ជាមួយ​ក្លិប​​ ShababAl Ahli Dubai (​អារ៉ាប់​រួម​), Pakhtakor (​អ៊ូ​ស​ប៊ែ​គី​ស្ថាន​) និង​អ្នកឈ្នះ​នៃ​ការប្រកួត​ជម្រុះ​ Play-Off​។​ ​Al Sadd SC មកពី​ប្រទេស​កាតា​ដែល​ជា​អ្នកឈ្នះ​ក្នុង​ឆ្នាំ​២០១១ និង​វគ្គ​ពាក់កណ្ដាល​ផ្ដាច់ព្រ័ត្រ​នៅ​ឆ្នាំ​២០១៩ ស្ថិត​ក្នុង​ពូ​ល​ជាមួយ Sepahan FC (​អ៊ីរ​ង៉​), Al Nassr (​អារ៉ាប៊ីសាអ៊ូឌីត​) និង​អ្នកឈ្នះ​នៃ​ការប្រកួត​ជម្រុះ​ក្នុង​ពូ​ល D។​ ​ជើងឯក​ ២​សម័យ Guangzhou Evergrande​ របស់​ចិន​ត្រូវ​បាន​ចាប់ឆ្នោត​ស្ថិត​ក្នុង​ពូ​ល G ជាមួយ​ក្លិប​កូរ៉េ Suwon Bluewings,​ ក្លិប​ម៉ាឡេស៊ី Johor DarulTa’Zim​ និង​អ្នកឈ្នះ​ក្នុង​វគ្គ​ជម្រុះ​។​

​​ចំណែក​ក្លិប​កូរ៉េ​ Jeonbuk Hyundai Motors ដែល​ជា​ជើងឯក​ឆ្នាំ​២០០៦ និង ២០១៦ ស្ថិត​ក្នុង​ពូ​ល H ជាមួយ Yokohama F.Marinos ​របស់​ជប៉ុន​, Sydney FC របស់​អូស្ត្រាលី​ និង​អ្នកឈ្នះ play-off ខណៈ​ដែល Ulsan Hyundai FC ដែល​ជា​ជើងឯក​នៅ​ឆ្នាំ​២០១២ ត្រូវ​បាន​ចាប់ឆ្នោត​ស្ថិត​ក្នុង​ពូ​ល​ជាមួយ Shanghai Shenhua FC របស់​ចិន​, Perth Glory របស់​អូស្ត្រាលី ​និង​អ្នក​ឈ្នះ​វគ្គ​ជម្រុះ​ក្នុង​ពូ​ល F៕