ស្វែងយល់ ៧ ចំណុចពី Premier League សប្តាហ៍​ចុងឆ្នាំ ២០១៩ នេះ

451

ការប្រកួត Premier League សប្តាហ៍ទី ២០ និង​ជាសប្តាហ៍ចុងក្រោយ​នៃឆ្នាំ ២០១៩ បាន​បញ្ចប់​ទៅហើយនៅយប់​មិញនេះ។ លទ្ធផល​នៃការប្រកួត បាន​ធ្វើឲ្យ​មានទស្សនីយភាពគួរឲ្យ​ចាប់អារម្មណ៍ជាច្រើនដែលគួរឲ្យ​ពិចារណា។

យោងតាមប្រភព​ពីវុិបសាយ Fox Sports បានលើក​យក​កំណត់​សម្គាល់មួយចំនួន មក​និយាយពីការប្រកួត Premier League សប្តាហ៍ទី ២០នេះ ចំនុច​ទាំងនោះរួមមាន៖

១. Everton ក្រោមការ​ដឹកនាំ​របស់​លោក Carlo Ancelotti

មែនទែនទៅ តាំងពីបណ្តេញ​លោក Marcos Silva មក Everton ហាក់ដូចជាមានទំនុកចិត្តខ្ពស់ ដោយ​មិន​ត្រឹមតែអាចបំបាក់ក្រុម​ខ្លាំងបាននោះទេ ប៉ុន្តែថែមទាំង​មិនទាន់​ចាញ់​ទៀតផង។ សម្រាប់​លទ្ធផល​ឈ្នះ កាលពីយប់ថ្ងៃសៅរ៍ អាច​ធ្វើឲ្យ​អ្នក​គាំទ្រ​ មានការ​រំពឹង​ទុក​ថា លោក Ancelotti អាចតម្រង់​ផ្លូវ Everton ទៅរក​ភាព​ជោគជ័យ​បាន យោងតាម​បទពិសោធន៍កន្លងមក។

២. ក្រោយ​បរាជ័យ​ជាប់គ្នាពេក West Ham បានសម្រេចចិត្តបណ្តេញ​លោក Pellegrini ចេញ

ចុចអានបន្ត​៖ ក្លឹប Premier League មួយទៀតហើយ ចែកផ្លូវ​ជាមួយគ្រូបង្វឹក កាលពីយប់មិញ​

ចុចអានបន្ត​៖ West Ham តែងតាំង David Moyes ដឹកនាំជាលើកទី ២

៣. Marcus Rashford និង Anthony Martial ត្រលប់​មក​លេង​ស៊ីសង្វាក់គ្នាយ៉ាងខ្លាំង

បន្ទាប់ពីជ័យ​ជម្នះ​លើ Burnely ដោយលទ្ធផល ២-០ ខ្សែបម្រើប្រយុទ្ធវ័យ​ក្មេង​ទាំង ២ ត្រូវបាន​ចាត់​ទុក​ថាជាកែវភ្នែក​ដ៏សំខាន់រ​បស់ Man Utd ដែល​អាចនាំក្លឹប​ទៅរក​ភាពជោគជ័យ​នៅរដូវកាលនេះ។

៤. បរាជ័យ​របស់ Arsenal ធ្វើឲ្យ​អ្នក​គាំទ្រ នៅតែមិនអាចទទួល​យក​លោក Mike Arteta បាន

តើជាបណ្តាសារ ឬ យ៉ាងណា ដែល Arsenal ទោះបីជាបាន​បណ្តេញ​លោក Unai Emery ហើយ ប៉ុន្តែក៏នៅមិនទាន់អាចរក​បាន​លទ្ធផល​ដ៏សម​ប្រកប​បាននៅឡើយ។ ក្នុង​លទ្ធផល ១-២ ជាមួយ Chelsea កាលពីយប់មិញ បាន​ធ្វើឲ្យអ្នក​គាំទ្រ Arsenal នៅតែមាន​អារម្មណ៍មិន​ល្អ ចំពោះគ្រូបង្វឹកថ្មី​និង​បាន​គិតថា លោក Arteta ទំនងជាមិន​សម​នឹងតំណែងនេះនោះទេ។

៥. Chelsea ចាប់ផ្តើម​ដើរ​ផ្លូវដូច Manchester United?

មួយរយៈចុងក្រោយនេះ Chelsea មិនចុះ​ញម​នោះទេ ពេលបានប្រកួត​ជាមួយក្រុម​ធំៗដូចជា Tottenham គឺតោខៀវអាចយក​ឈ្នះបាន!​ ប៉ុន្តែពេល​ជួប​ក្រុម​តូចៗ គេក៏បានប្រកួតចាញ់។ ឥឡូវជួប​ជាមួយ Arsenal ក៏​ Chelsea អាចឈ្នះបានទៀត។ ដូច្នេះតើ Chelsea កំពុងតែដើរ​ផ្លូវដូច Man Utd ដែល​ជួប​ក្រុម​ធំក៏ប្រឹងទាល់តែឈ្នះ ហើយ​ពេលជួប​ក្រុម​តូចក៏​ចាញ់​? ប្លន់ពិន្ទុពីក្រុម​អ្នក​មានមក​ជួយ​ក្រុម​អ្នក​ក្រ?

៦. ជំនួប Liverpool ជាមួយ Wolves បង្កឲ្យ​មាន​ភាពចម្រូងចម្រាស់ ហើយមានការ​លើកឡើងថា VAR បង្កើត​ដើម្បី Liverpool?

Liverpool បន្ត​ការ​ឈ្នះមាន ១៣ពិន្ទុ វ៉ាដាច់តែម្តងពីក្រុមលេខ ២ Leicester City! ប៉ុន្តែលទ្ធផល​នេះ ធ្វើឲ្យមានការ​ចោទសួរថា តើ Liverpool បន្ត​ឈ្នះដោយសារ VAR ឬ យ៉ាងណា ព្រោះថា VAR បាន​ទាត់​ចោល​គ្រាប់​បាល់​របស់ Wolverhampton ទុកជាមិនបាន​ការដែល​ធ្វើឲ្យ​ Liverpool ទទួលបាន ៣ពិន្ទុ និង​ទទួលងារជាក្រុម​ដែល​មិនទាន់​អាចមាន​អ្នក​ណាបំបាក់​បាននៅរដុវកាល​ថ្មីនេះ។

៧. Liverpool ក្លាយជាជើងឯក Premier League

១៣ពិន្ទុវ៉ាដាច់​បែបនេះ តើ​អាចនឹងមានក្រុមណា​មក​បំបាក់ Liverpool បាន​ទៀតទៅ? ម្យ៉ាងទៀត Liverpool ហាក់មានទម្រង់ជាប់​លាប់ព្រោះថា ១៨​ប្រកួតនៅ Premier League គេមិនទាន់ស្គាល់​ពាក្យ​ថាចាញ់ ខណៈក្រុម​ជាគូប្រជែងផ្សេងទៀតមិនថា Man City, Leicester ឬ Chelsea ជាដើមសុទ្ធតែមាន​ទម្រង់លេងមិននឹងនរសោះ៕