Atletico នឹង AC Milan ប្រជែង​គ្នាចង់បានខ្សែបម្រើ United មួយរូប

255

យោងតាមប្រភព​ពី Football Italia បានរាយការណ៍​ថាក្លឹបអុីតាលី AC Milan និង Atletico Madrid របស់អេស្ប៉ាញ បានប្រជែងគ្នាក្នុងការចុះហត្ថលេខាលើខ្សែបម្រើ Nemanja Matic របស់ក្រុមបិសាចក្រហម Manchester United។​

ខណៈ​កុងត្រានឹងផុតកំណត់នៅខែមិថុនាឆ្នាំ ២០២១ Matic ត្រូវបានគេរាយការណ៍ថាទាំង Atletico និង Milan អាចចុះហត្ថលេខាលើរូបគេនៅក្នុងទីផ្សារដោះដូរកីឡាករនាខែមករាខាងមុខនេះ។​

គួររំលឹក​ថា កីឡាករវ័យ ៣១ ឆ្នាំរូបនេះ បានផ្លាស់​ពីក្រុមតោខៀវ Chelsea ក្នុងឆ្នាំ ២០១៧ ក្នុងតម្លៃផ្ទេរ ៤៤.៧ លានផោន ហើយបច្ចុប្បន្នកំពុងស្ថិតនៅក្រោមការពេញចិត្តពីអ្នកចាត់ការលោក Ole Gunnar Solskjaer។