Buriram United ទំលាក់ Ho Chi Minh City ឡើងទៅជួបក្លឹបយក្សចិន Shanghai SIPG

1993

ក្រុមថៃ Buriram United បានយកឈ្នះក្រុមវៀតណាម Ho Chi Minh City ដោយលទ្ធផល​ ២-១ នៅវគ្គជម្រុះបឋមជុំទី ២ នៃពានរង្វាន់ AFC Champions League ឆ្នាំ ២០២០ កាលពីម្សិលមិញ។​

ជំនួប​នៅកីឡដ្ឋាន​ Chang Arena ក្នុងខេត្តបុរីរ៊ាំ កីឡាករចំណូលថ្មី ២ រូប​គឺ Bernardo Cuesta និង Ricardo Bueno ជាអ្នករកបានម្នាក់មួយគ្រាប់ឲ្យ​ក្រុមជើងឯករង Thai League 1 ខណៈ​មួយគ្រាប់​របស់ Ho Chi Minh រកបានដោយខ្សែប្រយុទ្ធ Pape Abdoulaye Diakite។​

លទ្ធផល​នេះតម្រូវឲ្យ Buriram United ត្រូវឡើងទៅប៉ះក្រុមលីគកំពូលចិន Shanghai SIPG នៅពហុកីឡដ្ឋាន Yuanshen Sports Center នាថ្ងៃទី ២៨ ខែមករា ខាងមុខ ដើម្បីកាត់ក្តីរកបេក្ខភាពបង្គ្រប់ពូល។