Jadon Sancho ស៊ុត​មួយ បញ្ជូន​មួយ ជួយ Dortmund លើកពាន Super Cup

270

ខ្សែបម្រើ​ឆ្នើមវ័យក្មេងសញ្ជាតិអង់គ្លេស Jadon Sancho ស៊ុត​មួយគ្រាប់និង Assist មួយគ្រាប់ជួយ Borussia Dortmund យកឈ្នះ Bayern Munich ២-០ លើកពាន Super Cup របស់អាល្លឺម៉ង់។

ចាប់ផ្តើមបាន ២ នាទីក្នុងវគ្គទី ២ Sancho វ័យ ១៩ ឆ្នាំ បានបញ្ចូនបាល់យ៉ាងល្អទៅឲ្យមិត្តរួមក្រុម Paco Alcacer ស៊ុតរំលងអ្នកចាំទី Manuel Neuer បង្កើត​ឱកាស​នាំមុខមុន។

ចំណែក Bayern ក៏បានដាក់សម្ពាធច្រើនដែរតែត្រូវអ្នកចាំទី Marwin Hitz របស់ Dortmund ជួយសង្គ្រោះពីការព្យាយាមរបស់ Leon Goretzka និងការតែតបាល់បញ្ចូលទីរបស់ Kingsley Coman ។

បន្ទាប់មកឈានចូលនាទី ៦៩’ Sancho ដដែល​បានរកគ្រាប់បាល់ទី ២ ឲ្យ Dortmund រក្សាលទ្ធផល​ជ័យជម្នះ​ដល់ចប់ការប្រកួត។

គួររំលឹក​ថា Super Cup គឺជាពានរង្វាន់បើករដូវកាល ដែលជាជំនួបរវាងក្រុមម្ចាស់ជើងឯកលីគកំពូលអាឡឺម៉ង់ Bundesliga និងជើងឯក German Cup។​

ទស្សនា​វីដេអូ​ហាយឡាយ​

ប្រភព៖ BBC