Liverpool ដាក់យុវជនលេង Carabao Cup ត្រូវ Aston លត់ ៥-០

263

ក្រុម Liverpool ត្រូវក្រុម Aston Villa លត់ ៥-០ ក្នុងការប្រកួតពានរង្វាន់ EFL Cup ឬ Carabao Cup វគ្គ ៨ ក្រុមចុងក្រោយកាលពីយប់មិញ។

ការបរាជ័យធ្ងន់ករនេះ ក៏ព្រោះតែក្រុមហង្សក្រហមបានប្រើបា្រស់កីឡាករជាយុវជនរបស់ក្លឹប ដែលមានអាយុត្រឹម ១៩ឆ្នាំជាមធ្យម ក្នុងជម្រើស ១១នាក់ ដែលដឹកនាំដោយគ្រូបង្វឹកយុវជនអាយុក្រោម ២៣ឆ្នាំលោក Neil Critchley ដែលទទួលបន្ទុកការប្រកួតនេះជំនួសលោក Jurgen Klopp ដែលជាប់ភារកិច្ចដឹកនាំឈុតធំក្នុងព្រឹត្តិការណ៍ FIFA Club World Cup នៅប្រទេសកាតា។

ជ័យជម្នះនេះធ្វើឲ្យ Aston Villa ឡើងទៅកាន់វគ្គពាក់កណ្តាលផ្តាច់ព្រ័ត្រ ខណៈ Liverpool ធ្លាក់ត្រឹមវគ្គនេះ ដោយមុន​ការ​ប្រកួត​នេះ ​លោក​ Jurgen Klopp ក៏បាន​បញ្ជាក់ដែរ​ថា​ពាន​រង្វាន់ Carabao Cup ​នេះ ប្រសិន​បើ​ជាន់​ជាមួយ FIFA Club World Cup ​នោះ​លោក​នឹង​សម្រេច​ចិត្ត​យក​ពាន FIFA ​មួយ​នេះ​ហើយ៕

វីដេអូហាយឡាយ