Nouri ស្រែកយំ! ពេលដឹង Van de Beek ជ្រើសលេខ ៣៤ ពាក់នៅ Man Utd

631

Abdelhak Nouri បានស្រែកយំ ជាមួយនិងការរំភើបចិត្ត នៅពេលដែលដឹងថាមិត្តសម្លាញ់ Donny van de Beek បានជ្រើសយកអាវលេខ ៣៤ របស់ក្រុមបិសាចក្រហម Manchester United ជាការផ្តល់កិត្តិយសដល់រូបគាត់។

កីឡាករវ័យ ២៣ ឆ្នាំរូបនេះ បានរងរបួសខូចខាតខួរក្បាលយ៉ាងធ្ងន់ធ្ងរនៅពេលដែលដួលអំឡុងការប្រកួតមុនបើករដូវកាលសម្រាប់ Ajax ក្នុងឆ្នាំ ២០១៧ ។

Nouri ដែលពាក់អាវលេខ 34 សម្រាប់ក្រុម Ajax ចាប់តាំងពីពេលសន្លប់នោះ បច្ចុប្បន្នរូបគេអាចប្រាស្រ័យទាក់ទងជាមួយគ្រួសារបានខ្លះៗហើយ។

ឪពុករបស់ Nouri លោក Mohammed បានធ្វើកាយវិការប្រាប់កូនថា Donny បានទូរស័ព្ទមកប្រាប់ពួកយើងថាតើយល់ទើសទេប្រសិនបើគេពាក់អាវលេខ ៣៤ នៅ Manchester United ដើម្បីចង់រំលឹកដល់កូន។

ភ្លាមៗនោះរូបគេបានស្រក់ទឹកភ្នែកលើថ្ពាល់ ហើយមានអារម្មណ៍រំជួលចិត្ត ។ លោកបន្ថែមថា Donny ដូចជាកូនប្រុសរបស់ពួកយើងម្នាក់ផងដែរ។ មនុស្សគ្រប់គ្នានៅក្នុងផ្ទះមានអារម្មណ៍រំភើបរីករាយជាមួយនឹងការផ្ទេរដ៏អស្ចារ្យរបស់គេទៅកាន់ Manchester United។