Son ជាប់ចំណាត់ថ្នាក់ល្អបំផុតទាំង ៥ រូបក្នុងកាតព្វកិច្ចយោធា ៣ សប្តាហ៍​

233

ខ្សែប្រយុទ្ធ​ក្រុមមាន់ខ្នាយមាស​ Tottenham Hotspur, Son Heung-min បានបញ្ចប់កម្មវិធីបណ្តុះបណ្តាលយោធាថ្នាក់មូលដ្ឋានរយៈពេល ៣ សប្តាហ៍ហើយនៅថ្ងៃសុក្រនេះ។​

កីឡាករ​វ័យ ២៧ ឆ្នាំខាងលើ ស្ថិតក្នុងចំណោមសិក្ខាកាមដែលទទួលបានលទ្ធផលល្អបំផុតទាំង ៥ រូបក្នុងចំណោមសិក្ខាកាមទាំង ១៥៧ នាក់។ ជាក់ស្ដែង​រូបគេទទួលបានពិន្ទុ ១០ លើ ១០ ក្នុងវិញ្ញាសារ​បាញ់កាំភ្លើង​ផងដែរ។​

Son បានចូលបណ្តុះបណ្តាលថ្នាក់មូលដ្ឋានយោធាកាលពីថ្ងៃទី ២០ ខែមេសា ដោយរូបគេទទួលបានសិទ្ធិលើកលែងពីការបំពេញកាតព្វកិច្ចយោធារយៈពេល ២ ឆ្នាំ។ ក្រោយជួយកូរ៉េខាងត្បូងឈ្នះមេដាយមាសក្នុងព្រឹត្តិការណ៍កីឡាអាស៊ីឆ្នាំ ២០១៨។