Suzuki នៅតែបន្ត​ជា​ម្ចាស់​ឧបត្ថម្ភ​ធំ ជើង​ឯក​អាស៊ី​អាគ្នេយ៍ AFF Championship ២០២០

195

​សហព័ន្ធ​កីឡាបាល់ទាត់​អាស៊ាន (AFF) បាន​បញ្ជាក់​ថា ​ក្រុម​ផលិត​គ្រឿងយន្ត Suzuki នឹង​បន្ត​ធ្វើជា​ម្ចាស់​ឧបត្ថម្ភ​ធំ​ នៃ​ការប្រកួត​បាល់ទាត់​ជើងឯក​អាស៊ីអាគ្នេយ៍​ AFF Championship នៅ​ឆ្នាំ២០២០។

​​នេះ​នឹង​ធ្វើ​ឱ្យ​ព្រឹត្តិការណ៍ AFF Suzuki Cup ឆ្នាំ​២០២០ ជា​លើក​ទី​៧ ជាប់ៗ​គ្នា​ដែល​ក្រុមហ៊ុន​ផលិត​រថយន្ត​ជប៉ុន ​ឧបត្ថម្ភ​ដល់​ការប្រកួត​កីឡាបាល់ទាត់​ថ្នាក់​តំបន់ ​ក្នុង​តំបន់​អាស៊ីអាគ្នេយ៍​មួយ​នេះ​។ ​​

ការ​ប្រកួត​នៅ​ឆ្នាំ ​២០២០ គ្រោង​នឹង​ធ្វើ​ចាប់ពី​ថ្ងៃ​ទី ២៣ ខែ ​វិច្ឆិកា ​ដល់​ថ្ងៃ​ទី ​៣១ ខែ​ធ្នូ ចុង​ឆ្នាំ​នេះ​ដោយមាន​ប្រទេស​ចំនួន ១០ មកពី​អាស៊ីអាគ្នេយ៍​ដណ្ដើម​ជើងឯក​។​