United នឹង City ត្រូវប៉ះ​គ្នានៅវគ្គ ៤ ក្រុម League Cup

172

ក្រុម Manchester City នឹង Manchester United នឹងត្រូវប៉ះគ្នានៅវគ្គពាក់កណ្តាលផ្តាច់ព្រ័ត្រពានរង្វាន់ League Cup ឫ Carabao Cup បន្ទាប់ពីក្រុមទាំងពីរទទួលបានជ័យជម្នះរៀងខ្លួននៅវគ្គ ៨ ក្រុមកាលពីយប់មិញនេះ។

ក្រុមជើងឯក​ចាស់ Man City បានយកឈ្នះក្រុមលីគទី ៣ Oxford United ដោយលទ្ធផល​ ៣-១ ខណៈ United យកឈ្នះក្រុមលីគទី ៤ Colchester United ៣-០ នៅ Old Trafford។

មួយគូរទៀត Leicester City ត្រូវប៉ះ Aston Villa ក្រោយក្រុមកញ្រ្ជោងខៀវស្មើ Everton ២-២ ហើយបន្តឈ្នះបាល់កាត់សេចក្តី ១១ម៉ែត្រ ៤-២ នៅឯកីឡដ្ឋាន Goodison Park។