Urawa Red ទំលាក់ Guangzhou ឡើងវគ្គផ្តាច់ព្រ័ត្រ ACL (វីដេអូ)​

206

​ក្រុមជប៉ុន Urawa Reds Diamond បាន​ឡើងទៅកាន់វគ្គ​ផ្ដាច់ព្រ័ត្រ​ពានរង្វាន់​បាល់ទាត់​ក្លិប​កំពូល​អាស៊ី AFC Champions League ហើយ ក្រោយយក​ឈ្នះ​ក្រុម​ចិន Guangzhou Evergrande ១-០ ជើង​ទី​២ និង​សរុប​ទាំង ២ជើង ៣-០​។

កាលជើងទី១​នៅ​ទឹកដី​ជប៉ុន Urawa Reds បានយកឈ្នះ ២-០ ហើយបន្ត​រក​បាន​ជ័យជំនះ​ទៀត​ក្នុង​ជើង​ទី២ នៅ​ចំពោះ​មុខ​អ្នកគាំទ្រ​ក្រុម​ម្ចាស់ផ្ទះ Guangzhou Evergrande​មួយ​គ្រាប់​ជ័យ​ជំនះ​របស់ Urawa Reds សំរេច​បាន​ដោយខ្សែប្រយុទ្ធ​ Shinzo Koroki​ ដែល​ជាការ​តែ​ត​បញ្ចូល​ទី​នៅ​វគ្គ​ទី​២ នាទី​ទី​៥០​’។ ​

ដូច្នេះ​ក្រុម​ជើងឯក​ ២​សម័យ Urawa ដែល​ធ្លាប់​ឈ្នះ​នៅ​ឆ្នាំ​២០០៧ និង ២០១៧ នឹង​បន្ត​ស្វែង​រក​ពាន AFC Champions League របស់​ខ្លួន​ដោយ​នឹង​ត្រូវ​ជួប​ជាមួយ​ក្រុម​អារ៉ាប៊ីសាអ៊ូឌីត Al Hilal​ ជើង​ទី​១ ​នៅ​ថ្ងៃ​ទី​៩ ខែ​វិច្ឆិកា និង​ជើង​ទី​២ ​ថ្ងៃ​ទី​២៤ ខែ​វិច្ឆិកា​ដដែល​៕

វីដេអូ​ហាយឡាយ​